गजल "आमा"

देशको हालत देख्दा खेरी नफर्कौ झैँ हुन्छ आमा |
तिम्रो ममता सम्झे भने मन झनै रुन्छ आमा |

थोपा-थोपा रगत पनि देशकै लागी साँचेको छु
पराइ देशको भूमी भित्र पसिना पो चुन्छ आमा |

कहिले कोशी बेच्न भनी कहिले काली बेच्न भनी
देशकै सन्तान भन्नेले नै किन जाल बुन्छ आमा ?

सायद हामीले नै होला बिचार गर्न नसकेको
हाम्रो भणडार भित्र पनि लुकी रा’को घुन’छ आमा

एकै मुठ्ठी स्वास रहुन्जेल देशकै लागी लड्नेछु
मेरो नशा भित्र पनि बिर पुर्खाको खुन’छ आमा