“ठेकी भित्र थुनिएको”

बिर्सेको छैन तिमीलाई मैले तिमीलाई नै सम्झी रोइ रहेछु |

तिम्रो मन अझै संग्लियोस भनि आँशु ले मन धोई रहेछु ||

  

तिमि त मेरो  प्राण भन्दा प्यारो ,दिल को धड्कन आँखा को नानी

के थाहा र तिम्रो सोच मलाई,म आफ्नो नभई कोहि रहेछु |

  

संसार लुट्ने साहसी यो मन,दुनिया भुलाउने खुसि का लहर

तिम्रै कारण ले पलपल ,दुनिया भित्रै खोइ रहेछु |

  

नत मर्न सक्ने संसार भुली,नत बाच्न सक्ने दुख झेली

बाध्यता को चेप मा चेपिएको लाचार-विवस जोइ रहेछु |

  

अरु लाई उज्यालो दिंदा पनि आफै नासिने मैन भएछु

तिमीलाई प्यास बुझाउने ठेकी भित्र थुनिएको मोही रहेछु |