"यात्री बनाई" गजल

मेरै गला घुटदै गयौ,रची प्रेम को फ़ासी |

अरु संग मेरै कुरा काट्यौ हासी-हासी |

तिमि बिना बाच्दीन म भन्दा भन्थ्यौ त्येस्तै म नि 

मूल नै खन्ने दाउ रैछ,हाँगा-बिँगा छासी |

तन-मन सुम्पे तिमीलाई असह्य भो किन ?

के थाहा र आडम्बरी बिष रैछौ बासी |

आँखा चिम्ली अन्धो जस्तै तिम्रो पछि लाग्दा 

तड्पाई मार्ने दाउ  रैछ दल-दल मा  भासी |

फेरी एउटा उदाहरण थप्यौ इतिहास मा

केटि शब्द बदनाम गर्यौ बनि तिमि लाक्षी |

जीवन अनि मरण को दोशाँझ मा आज

यात्री बनाई जाल बुन्यौ शब्द-शब्द गाँसी ||